اسلام آباد۔26اگست(اے ??ی پی)کابینہ دی اقتصادی رابطہ کمیٹی (ای سی سی) پاکستان ٹیلی وژن کارپوریشن کیتے 3.813 ارب روپے دی قسط، کیپٹیو پاور استعمال کرݨ آلیاں تے لڳݨ آلی ٹرانسمیشن لیوی دے طریقہ کار اَتے گلگت بلتستان اچ سیلاب زدگان اَتے امدادی کماں کیتے 3 ارب روپے دے فنڈز جاری کرݨ دی منظوری ݙتی اے۔ کابینہ دی اقتصادی رابطہ کمیٹی (ای سی سی) دا اجلاس وفاقی وزیر خزانہ و محصولات سینیٹر محمد اورنگزیب دی صدارت اچ تھیا۔ اجلاس اچ وفاقی وزیر توانائی سردار اویس احمد خان لغاری، وفاقی وزیر پٹرولیم علی پرویز ملک، وفاقی وزیر قومی غذائی تحفظ و تحقیق رانا تنویر حسین، وزیراعظم دے معاون خصوصی برائے صنعت و پیداوار ہارون اختر خان سودھا ٻئے ارکان، وفاقی سیکرٹریز، متعلقہ ریگولیٹری اداریاں دے نمائندیاں اَتے مختلف وزارتاں اَتے ڈویژناں دے سینئر حکام شرکت کیتی۔ اجلاس اچ وزارت اطلاعات و نشریات ولوں پاکستان ٹیلی وژن کارپوریشن (پی ٹی وی سی) کیتے ٹیرف ایڈجسٹمنٹ اَتے نیٹ میٹرنگ دے مد اچ 11 ارب روپے دی تکنیکی ضمنی گرانٹ دی سمری تے غور تھیا۔ کمیٹی 3.813 ارب روپے دی فوری جݙاں جو باقی رقم تنخواہواں، پینشنز اَتے ریاستی نشریاتی ادارے دے آپریٹنگ اخراجات دی ادائیگی کیتے سہ ماہی بنیاداں تے جاری کرݨ دی منظوری ݙتی۔ کمیٹی آکھیا جو پی ٹی وی کوں بجٹ سپورٹ تے انحصار گھٹ کر تے خود کفالت دی راہ اختیار کرݨی ہوسی۔ اجلاس اچ میسرز سینرجیکو پی کے لمیٹڈ (سی پی ایل) ولوں 2019ء توں واجب الادا پٹرولیم لیوی دی وصولی دے معاملے تے تفصیلی بحث تھئی۔ ای سی سی، ایس آئی ایف سی اپیکس/ای سی/آئی سی دے فیصلیاں نال ٻݨیے سیٹلمنٹ فریم ورک دی منظوری ݙتی تاں جو آڈٹ تھیوݨ آلی اصل واجب الادا رقم دی وصولی کوں یقینی بݨایا ونڄ سگے۔ کمیٹی پٹرولیم ڈویژن کوں سی پی ایل نال مجوزہ سیٹلمنٹ ڈیڈ تے دستخط کرݨ دی اجازت ݙیندے ہدایت کیتی جو ساری واجب الادا رقم معاہدے دیاں شرطاں دے مطابق سختی نال وصول کیتی ونڄے۔ اجلاس وچ پاور ڈویژن ولوں کیپٹیو پاور استعمال کرݨ آلیاں تے لڳݨ آلی ٹرانسمیشن لیوی اچ ریلیف دی سمری تے غور کیتا ڳیا۔ ای سی سی ڈویژن دے مجوزہ طریقہ کار دی منظوری ݙتی جیںدے تحت کیپٹیو پاور کنزیو??رز توں وصول کیتی ڳئی لیوی دا فیدہ گرڈ استعمال کرݨ آلیاں کوں منتقل کیتا ویسی۔ اجلاس اچ مچیکے-تھلیاں-تاروجبہ وائٹ آئل پائپ لائن منصوبے دے ٹیرف دا تعین کرݨ دے جائزے بارے پٹرولیم ڈویژن دی سمری دا وی جائزہ ڳھدا ڳیا، اے ??نصوبہ پاکستان اَتے آذربائیجان وچال بین الحکومتی بنیاد تے اڳو تے ودھایا ویندا پئے۔ کمیٹی ڈویژن دی تجویز کیتی ڳئی شرطاں اَتے ضابطیاں دی منظوری ݙتی تاں جو ایں سٹریٹجک منصوبے دا آغاز تھی سگے جیںدے نال ݙوہیں ملکاں وچال دوستی، تجارت اَتے سر??ایہ کاری دے تعلقات مزید مضبوط تھیسن۔ اجلاس اچ وزارت امور کشمیر و گلگت بلتستان اَتے وزارت ریاستاں و سرحدی علاقیاں ولوں وزیراعظم دے حالیہ دورہ گلگت بلتستان اچ ݙتیاں ہدایات دے مطابق سیلاب زدگان کیتے فنڈز جاری کرݨ دی سمری تے وی غور تھیا۔ کمیٹی متاثرہ خانداناں کیتے خیمے، ادویات، خوراک اَتے ٻئے ضروری سامان دی فوری فراہمی، تباہ تھیوݨ آلے بنیادی ڈھانچے دی نویں سر??ں تعمیر اَتے متاثرہ کمیونٹیز دی بحالی دے اقدامات کیتے 3 ارب روپے دے فنڈز جاری کرݨ دی منظوری ݙیتی
