اسلام آباد۔24ستمبر (اے پی پی):بینظیر انکم سپورٹ پروگرام دے تحت سیلاب توں متاثرہ1,565,701 خانداناں اچ 39ارب روپے توں ودھ دی رقم ݙتی ڳئی اے ۔ خصوصی ادائیگی مراکز تے سیلاب متاثرین اچ 25000 روپے دی امدادی رقم دی تقسیم تکھے جاری اے۔ بینظیر انکم سپورٹ پروگرام فلڈ ریلیف کیش اسسٹینس دے تحت بلوچستان، سندھ، خیبرپختونخوا اتے پنجاب دے سیلاب توں متاثرہ خانداناں اچ 25000 روپے فی خاندان دی تقسیم کوں یقینی بݨیندا پئے ۔ بلوچستان اچ سیلاب توں متاثرہ 139,985 خانداناں کوں 3,499,625,000روپے مل چکن ۔ سندھ اچ 1,116,260 خانداناں کوں 27,906,500,000روپے مل چکن ۔ خیبرپختونخوا اچ 141,623 خانداناں کوں 3,540,575,000 روپے تے پنجاب دے 167,614 خانداناں کوں 4,190,350,000روپے ملئن ۔ گلگت بلتستان اچ 219خانداناں 5,457,000روپے وصول کیتے۔ ہفتے دی شام تئیں بینظیرانکم سپورٹ پروگرام پورے ملک اچ سیلاب توں متاثرہ 1,565,701 خانداناں اچ مجموعی طور تے 39,142,525,000 روپے ݙے چکیے ۔
