اسلام آباد۔18جنوری (اے پی پی):شمالی وزیرستان دے علاقے نارگوسا اچ سکیورٹی فورسز خفیہ معلومات تے مبنی آپریشن کیتا، فائرنگ دے تبادلے اچ 2دہشت گرد ماریے ڳئن جݙاں جو ہک زخمی حالت اچ قابو کر ڳھدا ڳے ۔ آئی ایس پی آر دے مطابق فائرنگ دے تبادلے اچ دہشت گرد عثمان علی اتے واحد ماریے ڳئن ۔ انہاں دہشت گرداں دا تعلق سجناں گروپ توں اے اتے اے بارودی سرنگاں بݨاوݨ دے ماہر ہن ۔دہشت گرد عثمان 14اکتوبر2020 اچ کیپٹن عمر چیمہ ، جے سی اوز اتے جواناں تے حملے اچ ملوث ہئی ۔
