اسلام آباد۔24نومبر (اے پی پی) وفاقی وزیر برائے بجلی انجینئر خرم دستگیر خان آکھیا جو پاکستان توانائی دے صاف تے ماحول دوست ذرائع استعمال کرݨ چاہندے، مستقبل اچ بجلی دی پیداوار دے سارے منصوبے قابل تجدید توانائی دے وسائل توں لاتے ویسن۔ اے ڳالھیں انہاں خمیس کوں ہالینڈ دی سفیر ہینی ڈی وریز نال ملاقات اچ آکھی۔ ملاقات اچ آپسی دلچسی دے معاملیاں تے ڳالھ کیتی ڳی۔ وفاقی وزیر پاکستان دے توانائی مکس اچ قابل تجدید توانائی دے حصے کوں ودھاوݨ کیتے اپݨی حکومت تے روشنی پاتی۔ وفاقی وزیر آکھیاجو حکومت چھل توں متاثرہ علاقیاں اچ بجلی دے بنیادی انفراسٹرکچر دی بحالی اتے مرمت دا کم ریکارڈ ویلھے اچ پورا کر ڳھدے۔ ہالینڈ دی سفیر ݙسیا جو کئی ڈچ کمپنیاں سالڈ ویسٹ انرجی دے منصوبیاں اچ سرمایہ کاری کرݨ اچ دلچسپی رکھیندن۔
