اسلام آباد۔31جولائی (اے پی پی) صدر مملکت ڈاکٹر عارف علوی چینی صدر شی جن پنگ دے خصوصی نمائندہ، چین دی کمیونسٹ پارٹی دی سنٹرل کمیٹی دے پولٹ بیورو دے رکن اتے نائب وزیر اعظم ہی لی فینگ کوں پاکستان کیتے خدمات تے ہلال پاکستان دے اعزاز نال نوازیا۔چین دے نائب وزیر اعظم کوں اے اعزاز ݙیوݨ کیتے ہک سادہ اتے پروقار تقریب ایوان صدر اسلام آباد اچ تھئی جتھ صدر مملکت ڈاکٹر عارف علوی انہاں کوں ہلال پاکستان دا اعزاز عطا کیتا۔ وزیر اعظم محمد شہباز شریف، چیئرمین سینیٹ محمد صادق سنجرانی، سپیکر قومی اسمبلی راجہ پرویز اشرف، کابینہ دے اراکین، چیئرمین جوائنٹ چیفس آف سٹاف کمیٹی، مسلح افواج دے سربراہان، چین دے نائب وزیر اعظم ہی لی فینگ دے رَلے پاکستان دے دورے تے آئے وفد دے ارکان سودھے اعلیٰ سول تے فوجی حکام تقریب اچ شریک تھیے۔ چینی نائب وزیر اعظم کوں ہلال پاکستان دا اعزاز ݙیوݨ کیتے تھیوݨ آلی تقریب اچ چین دے نائب وزیر خارجہ اتے پاکستان اچ چینی ناظم الامور وی شریک تھیے۔ ایوان صدر آوݨ تے چین دے نائب وزیراعظم دا پرتپاک استقبال کیتا ڳیا۔
