اسلام آباد۔18جنوری (اے پی پی):چیئرمین سینیٹ محمد صادق سنجرانی ایران دے اندر دہشت گرداں دے ٹھکاݨے دے خلاف آپریشن ’’مرگ بر سرمچار‘‘ کوں کامیابی نال انجام ݙیوݨ تے پاکستان دی مسلح افواج کوں مبارخ ݙتی اے ۔ سینیٹ سیکرٹریٹ توں جاری بیان موجب محمد صادق سنجرانی آکھیے اے آپریشن پاکستان دی مسلح افواج دی مثالی صلاحیت اتے پیشہ ورانہ مہارت دا منہ ٻولیندا ثبوت اے ۔ پاکستان ھک امن پسند قوم اے لیکن ایں عزم کوں کمزوری دی علامت نہ سمجھیا ونڄے ۔ آپریشن ’’مرگ بر سرمچار‘‘ دی کامیابی دشمن قوتاں سانڳے ھک پیغام اے ۔ چیئرمین سینیٹ آکھیے پاکستان دی خودمختاری اتے علاقائی سالمیت تے کوئی سمجھوتہ نہ کیتا ویسی ۔
