اسلام آباد۔15مارچ (اے پی پی):وزارت مذہبی امور حج 2021 کیتے تیاریاں مکمل کرڳھدن تاں جو سعودی وزارت حج ولوں حالی تئیں فیصلے دا انتظار اے۔ وزارت مذہبی امور دے ذرائع “اے پی پی کوں ݙسائے جو گزریل سال وانڳوں وی اڄوکے سال وزارت سعودی حکومت دے فیصلے دی منتظر اے تاں جو حالی تئیں حج دے حوالے نال کہیں وی سطح تے وزارت مذہبی امور کوں اعتماد اچ نی ڳھدا ڳیا ۔ وزارت مذہبی امور بینکاں، ایئرلائنز دے نال انتظامی معاملات طے کرڳھدے ڳئن جے حج دے حوالے نال سعودی حکومت ولوں گرین سگنل ملیا تاں انتظامات کوں چھیکڑی شکل ݙتی ونڄ سڳے ۔ انہاں آکھیے جو حاجیاں دی ویکسینیشن کیتے وی اساں این آئی ایچ اتے ڈریپ کوں خط لکھیے جے حاجیاں کوں روانہ کرݨا پیا تاں سارے ایس او پیز کوں سامݨے رکھیندے ہوئیں عازمین حج کوں کورونا ویکسین دی فراہمی یقینی بݨائی ونڄ سڳے۔
