اسلام آباد۔18اکتوبر(اے پی پی)وفاقی وزیر اطلاعات و نشریات چوہدری فواد حسین آکھیے جو اپوزیشن دی کوئی سیاسی سوچ کائنی، سویلے شام عمران خان کوں پرݨݨ نال اےا قتدار اچ نئیں آسڳدے، مولانا فضل الرحمان کوں مشورہ اے جو او ہݨ لوکاں دے جلسے کراوݨ کیتے ” رینٹ اے جلسہ ” دا کم کرن، انہاں کوں جتنا استعمال تھیوݨا ہا او تھی چکین، اپوزیشن دی دکان چلݨ آلی نئیں۔ اسلام آباد اچ تقریب نال خطاب اتے میڈیا نال الیندے انہاں آکھیا جو وزیراعظم اتے آرمی چیف ملدے راہندن، معاملات حل تھی چکین، ایندے تے ہݨ تنقید دا کوئی مقصد کائنی، اپوزیشن ایویں روندی راہسی۔ انہاں آکھیا جو پورے ڄڳ اچ کرونا پاروں مہانڳ تھئے، اساں کوئی نویکلا ملک نسے، ایں ویلھے گھیو، کݨک اتے بجلی تے سبسڈی ݙیندے پئے ہیں، پورا ملک تاں سبسڈی تے نئیں چلیڄ سڳدا، ایں سال اساں 12 ارب ڈالر قرضہ ولا ݙیوݨے۔ وفاقی وزیر اطلاعات آکھیے جو حکومت ربیع الاول سانڳے سیرت النبی تے اسمبلی اچ ڳالھ کراوݨ چاہی اے تاں اپوزیشن اجالس دا ہی بائیکاٹ کرݙتے، اے جموہریت نئیںچ اہندے اتے صرف ڈیل آلے لوک ہین، کڄھ نئیں ٻݨیا تاں اے احتجاج اچ لکدے ودن، اپوزیشن اپݨیاں پالیسیاں تے ولا دیدی بھنواوے۔
