اسلام آباد۔4فروری (اے پی پی):چیف جسٹس آف پاکستان جسٹس عمر عطا بندیال نال کمانڈ اینڈ سٹاف کالج کوئٹہ دے وفد ملاقات کیتی ۔ جمعے کوں عدالت عظمی توں جاری تفصیل موجب لیفٹیننٹ کرنل ہاشم اقبال باجوہ دی سربراہی اچ کمانڈ اینڈ سٹاف کالج کوئٹہ دے ڈائریکٹنگ سٹاف اتے ملٹری بیوروکریسی کورس دے 20 دوست ملکاں دے شرکا تے مشتمل 49 رکنی وفد اتھاں سپریم کورٹ اچ چیف جسٹس عمرعطا بندیال نال ملاقات کیتی۔ چیف جسٹس آف پاکستان وفد کوں خوش آمدید آکھیے تے انہاں کوں اسلامی جمہوریہ پاکستان دے 1973 دے آئین متعلق ݙسایا ۔ چیف جسٹس آف پاکستان وفد کوں پارلیمنٹ، ایگزیکٹوز اتے عدلیہ دے کردار تے اہمیت متعلق وی ݙسایا۔ چیف جسٹس عمر عطا بندیال وفد کوں عدالتی نظام،عدالتوں دے کم کار، کردار، انصاف دی فراہمی اتے سپریم کورٹ، ہائی کورٹس اتے ضلعی عدالتاں دے آئینی دائرہ اختیار بارے ݙسایا ۔ چیف جسٹس آف پاکستان وفد کوں آئین پاکستان اچ درج بنیادی حقوق متعلق وی ݙسایا
