اسلام آباد۔19اکتوبر(اے پی پی)وفاقی وزیر اطلاعات و نشریات مریم اورنگزیب نال سعودی سفیر نواف بن سعید المالکی ملین۔ انہاں ݙوطرفہ تعلقات، مختلف شعبیاں خاص کر میڈیا اتے فلم دے شعباں اچ جاری تعاون ٻیا تکڑا کرݨ تے الایا ڳیا۔ انہاں میڈیا اتے فلم دے شعباں اچ مشترکہ منصوبیاں کوں عملی شکل ݙیوݨ کیتے ݙوہاں پاسو ہک کٹھی کمیٹی وی ٻݨائی ڳئی۔ ملاقات اچ فیصلہ تھئے جو ݙوہاں ملکاں وچال ایم او یوز کوں حتمی شکل ݙیوݨ کیتے ورکنگ کیتی ویسی۔ وفاقی وزیر اطلاعات ولی عہد شہزادہ محمد بن سلمان کوں مملکت دا وزیراعظم نامزد تھیوݨ تے سعودی سفیر کوں مبارکباد ݙتی اتے سیلاب زدگان کیتے امدادی سرگرمیاں لو ہتھ ونݙاوݨ تے سعودی عرب دے سفیر دے کردار دی وی تعریف کیتی۔ سعودی سفیر اڄوکیاں بارشاں اتے چھل نال نقصانات تے افسوس کریندے متاثرین نال ہمدردی کیتی اے۔
