اسلام آباد ۔ 10 مئی (اے پی پی) وفاقی وزیر پانڑیں تے بجلی خواجہ محمد آصف آکھیا اے جو پورے ملک اچ ہنڑ وی بہوں ایجھے فیڈر ہن جنہاں دی ریکوری 50فیصد توں گھٹ ہے جیں دی وجہ توں انہاں تے لوڈشیڈنگ معمول توں ودھ ہے ،ایں معاملے تے اساں سیاسی بنیاداں تے تفریق کائنی کریندے ساریاں تفصیلات ایوان اچ پیش کریساں جڈاں جو اجلاس دے صدر نشین محمود بشیر ورک آکھیا اے جو بجلی چوری روکنڑ صرف محکمے دا کم کائنی بلکہ سارے قومی اسمبلی دے ارکاناں کوں چاہیدے جو او اپنڑے حلقیں اچ بجلی چوری روکنڑ سانگے اپنڑاں کردار ادا کرن ۔ پینل آف چیئرپرسن دے رکن محمود بشیر ورک رولنگ ڈتی جو بجلی دی چوری صرف محکمے دی ذمے واری کائنی بلکہ اساں ساریاں دافرض ہے ۔ڈاکٹر نثار احمد جٹ وفاقی وزیر خواجہ آصف دی پیشکش دا خیر مقدم کیتا۔ وفاقی وزیر پانڑیں تے بجلی خواجہ محمد آصف آکھیا جو یو پی ایس اتے برقی آلات دے سوئچ کھلے رہنڑ نال 25فیصد بجلی خرچ تھیندی ہے ۔تھوڑی جئی احتیاط نال اساں 50فیصد خرچہ بچا سگدوں۔
.jpg)
