اسلام آباد۔22جون(اے پی پی):چئیرمین سی ڈی اے عیدالاضحیٰ تے خدمات سر انجام ݙیوݨ آلے سینٹری ورکرز دے اعزاز اچ استقبالیہ ݙتا تے اسلام آباد اچ صفائی دا بہترین انتظام کرݨ آلے سی ڈی اے ورکرز کوں ھھک مہینے دی بنیادی تنخواہ بطور بونس ݙیوݨ دا اعلان کیتے ۔وزیر داخلہ محسن نقوی آکھیے عید الاضحیٰ دے موقع تے زیرو ویسٹ سٹی آپریشن کوں کامیاب بݨاوݨ آلے سینٹری ورکرز مبارخ باد تے حوصلہ افزائی دے مستحق ہن، سارے محکمیں دے مثالی رابطے اتے سانجھے تعاون توں اسلام آباد کوں ساریں زیادہ صاف شہر ہووݨ دا اعزاز ملیے شہریاں تے شہر دی خدمت کرݨ آلے ملازمین تے افسراں دی حوصلہ افزائی ہر سطح تے کیتی ویسی ۔استقبالیہ اچ چئیرمین سی ڈی اے محمد علی رندھاوا، آئی جی اسلام آباد پولیس، ڈپٹی کمشنر اسلام آباد سودھے ٻئے افسراں شرکت کیتی ۔
