اسلام آباد ۔ 28 اکتوبر (اے پی پی) چیئرمین سینیٹ صادق سنجرانی دی سپیکر قومی اسمبلی اسد قیصر نال ملاقات?? الیکشن کمیشن دے ارکاناں دی تقرری آئین اتے قنون مطابق کرنڑ تے اتفاق کیتے۔ آئین اتے قنون مطابق سانجھے صلاح مشورے نال ایں مسئلے کوں حل کیتا ویسی۔ سنوار کوں چیئرمین سینیٹ صادق سنجرانی سپیکر قومی اسمبلی اسد قیصر نال انہاں دے چیمبر اچ ملاقات کیتی۔ قومی اسمبلی سیکرٹریٹ مطابق ملاقات اچ الیکشن کمیشن دے ارکاناں دی تقرری بارے گالھ مہاڑ کیتی گی۔ ایں موقع تے اسلام آباد ہائی کورٹ ولوں پارلیمنٹ کوں الیکشن کمیشن دے ارکاناں دی تقرری بارے لکھے گئے خط تے وی گالھ مہاڑ کیتی گی اتے ایں گالھ تے اتفاق کیتا گیا جو الیکشن کمیشن دے ارکاناں دی تقرری آئین اتے قنون مطابق کیتی ویسی۔ایں سانگے وزیر قنون اتے وزیر پارلیمانی امور کوں منگل کوں تھیونڑ آل?? اجلاس اچ صلاح مشورے سانگے سڈ گھدا گئے۔ اجلاس اچ اٹارنی جنرل وی شریک تھیسن۔
