اسلام آباد۔17اپریل(اے پی پی) وزیراعظم شہباز شریف دبئی اچ ھک رہائشی عمارت اچ بھاہ لڳݨ دے واقعہ اچ ترائے پاکستانیاں دے جاں بحق تھیوݨ تے ݙکھ تے افسوس انہاں دے گھر آلیں نال تعزیت کیتی اے ۔ آپݨے ھک ٹویٹ اچ انہاں آکھیے دبئی اچ ھک رہائشی عمارت اچ بھاہ لڳݨ پاروں ترائے پاکستانیاں دے جاں بحق تھیوݨ بارے ڄاݨ تے انہاں کوں ٻہوں ݙکھ تھئے ، او ایں سانحے تے ݙکھی خانداناں نال دلی تعزیت کریندن ۔ انہاں متحدہ عرب امارات اچ پاکستانی مشن کوں متاثرہ خانداناں دی مدد کرݨ دی ہدایت کیتی اے ۔
