پشاور۔17جون (اے پی پی):وزیر خارجہ بلاول بھٹو زرداری آکھیے نو مئی دے واقعات اچ ملوث لوکاں کیتے واضح پیغام اے جو انہاں کوں معاف نہ کریسوں ، جے انہاں کوں قانون دی کچاری اچ نہ گھن آسوں تاں ملک دا نقصان تھیسی ۔پیپلز پارٹی ڳالھیں مندے نی عوام دی خدمت تے یقین رکھیندی اے ، چوݙاں مہینے اچ او کم کرݙکھائن جیڑھے بزرگ وزیر خارجہ نی کرسڳیے ۔ سوات اچ کارکناں تں خطاب کریندے ہوئیں پیپلز پارٹی دے چیئرمین بلاول بھٹو زرداری آکھیے نو مئی دے واقعات اچ ملوث لوکاں کوں انصاف دی کچاری اچ گھن آسوں ، سیاسی دہشت گرداں دے خلاف سخت ایکشن گھنݨا چاہیدے، سوات آتے ٻہوں خوشی تھیندی پئی اے ، پیپلز پارٹی اچ رلݨ آلیں کوں خوش آمدید آکھداں ، شہید محترمہ آکھیا ہئی جو او سوات اچ پاکستان دا جھنڈا لیسن، سوات دے عوام دہشت گردی دا بہادری نال مقالبہ کیتا ، شہید محترمہ دہشت گرداں دیاں اکھیں اچ اکھیں پاتے ڳالھ کریندیاں ہن ۔وزیر خارجہ بلاول بھٹو زرداری آکھیے جیڑھے دہشت گرد افغانستان بھڄ چکن انہاں کوں چیئرمین پی ٹی آئی واپس گھن آئے ، پیپلز پارٹی سوات دے امن تے کݙاہیں سودا نہ کریسی ، افغانستان اچ امن ہوسی تاں ملک پاکستان اچ وی معاشی ترقی تھیسی ، اساں امن کیتے کہیں دہشت گرد دے اڳوں جھکݨ کیتے تیار کائنی ۔
