اسلام آباد۔28نومبر(اے پی پی) چیف جسٹس آف پاکستان جسٹس یحییٰ آفریدی اہم اصلاحاتی شعبیں اچ پیش رفت دا جائزہ گھنݨ تے سپریم کورٹ اچ زیر التواء ٹیکس کیسز کوں حل کرݨ سانڳے ݙو انڄ انڄ اجلاساں دی صدارت کیتی ۔ سپریم کورٹ دے شعبہ تعلقات عامہ دے جاری اعلامیہ موجب پہلے اجلاس اچ جسٹس عائشہ اے ملک اتے جسٹس شاہد بلال حسن دے علاوہ سپریم کورٹ دے رجسٹرارمحمد سلیم خان، شیر شاہ اتے ٻئیں شرکت کیتی ۔اجلاس دا ایجنڈا اہم اصلاحاتی شعبیں اچ پیشرفت دا جائزہ گھنݨ تے توجہ ݙیوݨ ہئی ۔ چیف جسٹس اتے جج صاحبان ان ڈومینزاچ تھیوݨ آلی پیشرفت دا اعتراف کیتا تے ٹیم دی لگن دی تعریف کیتی ۔ چیف جسٹس سپریم کورٹ اچ زیر التواء ٹیکس کیسز کوں حل کرݨ سانڳے ھک ٻئے اجلاس دی وی صدارت کیتی ۔ اجلاس اچ ٹیکس باردے نمائندیں تے فیڈرل بورڈ آف ریونیو (ایف بی آر) اسلام آباد دی قانونی ٹیم شرکت کیتی۔ اجلاس اچ اہم مسئلیں ، طریقہ کار تے ٹیکس متعلق مقدمیں کوں تکھے نبیڑݨ سانڳے حکمت عملیاں تے ڳالھ مہاڑ تھئی۔ چیف جسٹس شرکاء کوں ٹیکس دے مقدمیں دی سماعت سانڳے وقف بینچاں دی تشکیل بارے ݙسایا تے مقدمیں دی درجہ بندی دی اہمیت تے زور ݙتا ۔ بار دے نمائندیں آپݨے مکمل تعاون دا یقین ݙیوئے تے چاتے ڳئے اقدامات تے شکریہ ادا کیتا۔شعبہ تعلقات عامہ موجب اے اقدامات ادارہ جاتی ترقی ودھاوݨ ، وختی انصاف ݙیوݨ تے سارے شہریاں دے فیدے سانڳے کیس دی نتظام کوں ودھاوݨ سانڳے سپریم کورٹ دے غیرمتزلزل عزم دی نشاندہی کریندن ۔ عدالت اپݨے کماں اچ شفافیت، احتساب اتے کارکردگی کوں ودھارا ݙیوݨ سانڳے پرعزم اے۔
