رياض – 15 جنوري (اي پي پي) سعودي عرب جي افرادي قوت ۽ سماجي ڀلائي واري وزارت ڪمپنين مان سيڪيورٽي گارڊز هائر ڪندڙ نجي ادارن لاءِ خاص ترغيبن جو اعلان ڪيو آهي. اخبار 24 مطابق افرادي قوت واري وزارت چيو آهي ته ڪمپنين مان سيڪيورٽي گارڊز هائر ڪندڙ ڪمپنين کي مختلف سهولتون ڏنيون وينديون. وزارت چيو ته پروگرام مطابق ڪاروائي اجير پورٽل ذريعي ٿيندي. سيڪيورٽي گارڊز پولرٽل ذريعي حاصل ڪري سگهبا. ڪمپنين کي ڪيترن ئي شرطن ۽ ضابطن جي پابندي ڪرڻي پوندي جن ۾ سيڪيورٽي گارڊز کي گهٽ ۾ گهٽ پگهار 4500 ريال ڏيڻ شامل آهي. سعودي عرب جي افرادي قوت واري وزارت چيو ته ڪوشش آهي ته خانگي سيڪٽر جي ادارن ۽ ڪمپنين ۾ سعودي شهرين کي نوڪري جو سٺو ماحول ملي. نئون پروگرام ان ئي حوالي سان شروع ڪيو ويو آهي. وزارت جو چوڻ آهي ته نجي ڪمپنين ۾ سعودي سيڪيورٽي گارڊز کي سعودائزيشن جي نظام تحت مقرر ڪيو پيو وڃي.
