اسلام آباد۔21جون(اے پی پی) د اطلاعات او خپرونو وزيرمملكت فرخ حبيب وئيلي دي وفاق د اين ايف سى ايوارډ په مد كښې تر دې دمه سندھ حكومت له 1900اربه روپۍ وركړي او د روان كال جون مياشتې تر 17 مې نېټې 684 اربه روپۍ سندھ ته منتقل كړې شوي ۔ د سندھ حكومت د خپلې نااهلۍ او غلا پټولو لپاره شور كوي۔ سندھ حكومت په كورونا وېكسين هم سياست كوي۔ د ن لیګدننه د شهباز شريف بيانيه مضبوطېږي چې له امله ئې د مريم صفدر ټويټر خاموشه شو?? ۔ ?? ګل په ورځ نجي ټي وي چېنل سره خبرو كښې هغه ووئيل پیپلز پارټي پرله پسې په درېم ځل سندھ كښې حكومت كوي خو دې ګوند د صوبې پرمختګ او د اولس خېر ښېګړې له كوم كار نه دے كړے۔ فرخ حبیب ووئيل د سندھ حكومت د پرمختيائي بجټ 60 فيصده برخه هم نه ده مصرف كړې ۔ تر دې دمه د پرمختيائي بجټ 41 فيصده مصرف شوې او دا د دوي د نااهلۍ ثبوت دے۔ ده ووئېل وفاق چې سندھ ته كومې پېسې وركوي هغه په غېر پرمختيائي كارونو مصرف كوي ٬ دې كښې 93 اربه روپۍ د ملازمينو د تنخاګانو وركړے كېږي۔ د يوې پوښتنې په ځواب كښې هغه ووئيل الېکټرانک ووټنګ مشین د نړۍ په 20 هېوادونو كښې كارولې شي۔ د اپوزيشن مسئله دا ده چې هغوي دا مشين ليدلے نه دے او اعتراض كوي۔ هغه ووئيل د ای وی اېم ټېكنالوجي كارولو سره به د ټاكنو نظام سپېځلے كولو له مرسته ترلاسه شي۔ د يوې پوښتنې په ځواب كښې فرخ حبيب ووئيل اوسنے حكمت مېرمنو ا?? كوچنيانو سره د جنسي تشدد پېښو مخنيوي له مثبت كردار ترسره كوي او په دې لړ كښې اېنټي رېپ آرډيننس راوړلے شوے په كوم چې كار روان دے
.jpg)
.jpg)
.jpg)