اسلام آباد۔7جون (اے پی پی) وفاقی وزیر برائے منصوبہ بندی تے ترقی پروفیسراحسن اقبال آکھیا جو پاکستان اتے مشرق وسطیٰ دے ملکاں وچال مختلف شعبیاں اچ تعاون دے ٻہوں موقع ہن۔ اے ڳالھیں انہاں بدھ کوں اتھاں ایپری انٹرنیشنل کانفرنس توں خطاب کریندیں ہوئیں آکھی۔ انہاں آکھیا جو پاکستان مشرق وسطیٰ دے ملکاں توں وݙی سرمایہ کاری کوں راغٻ کر تے اپݨے زرعی شعبے کوں جدید ٻݨا سڳدے۔ انہاں آکھیا جو اساکوں ملک اچ سبز انقلاب ٻݨاوݨے جتھ اساں نہ صرف اپݨی گھر دی غذائی لوڑھ پوری کر سڳوں بلکہ زرعی مصنوعات وی برآمد کروں۔ احسن اقبال آکھیاجو آئی ٹی، توانائی، کان کنی، سیاحت اتے مہارتاں دی ترقی دے شعبیاں اچ وی تعاون دی وݙی گنجائش اے۔ وزیرمنصوبہ بندی آکھیا جو مشرق وسطیٰ پاکستان دا سٹریٹجک اقتصادی سانجھے دار اے ۔ انہاں آکھیا جو خلیج تعاون ملکاں ہمیشہ اوکھے ویلھے پاکستان نال کھڑ تے ہک قابل اعتماد سانجھے دار دا ثبوت ݙتے۔ سعودی عرب دے ایران، ترکیہ اتے قطر نال تعلقات کلیدبی تبدیلی اے خلیجی ملکاں دا مجموعی تجارتی حجم 2030ء تئیں 600 ارب ڈالر توں ودھ ویسی۔
