اسلام آباد۔9ستمبر (اے پی پی):پاک بحریہ دے ترائے ریئر ایڈمرلز کوں وائس ایڈمرل دے عہدے تے ترقی ݙے ݙتی ڳئی اے ۔ ترقی پاوݨ آلیں اچ وائس ایڈمرل عمران احمد، وائس ایڈمرل نوید اشرف اتے وائس ایڈمرل اویس احمد بلگرامی شامل ہن۔ ترجمان پاک بحریہ موجب ترائی افسران پاک بحریہ اچ کمانڈ اتے اسٹاف دی اہم ذمہ واریاں سرانجام ݙیوݨ دا وسیع تجربہ رکھیندن ۔ وائس ایڈمرل عمران احمد ڈپٹی چیف آف نیول اسٹاف (میٹیریل)، کمانڈانٹ پاکستان نیوی انجینئرنگ کالج اتے ڈائریکٹر جنرل میری ٹائم ٹیکنالوجی کمپلیکس دیاں ذمے واریاں سرانجام ݙے چکئن۔ او ایں ویلھے ڈپٹی چیف آف نیول اسٹاف (پراجیکٹس) دے عہدے تے تعینات ہن۔ وائس ایڈمرل نوید اشرف کمانڈانٹ پاکستان نیول اکیڈمی، ڈپٹی پریذیڈنٹ نیشنل ڈیفینس یونیورسٹی اسلام آباد، ڈائریکٹر جنرل (C4I)، نیول سیکرٹری اتے ڈپٹی چیف آف نیول اسٹاف (ایڈمن) دیاں ذمے واریاں سرانجام ݙے چکئن ، او ایں ویلھے کمانڈر پاکستان فلیٹ دے عہدے تے تعینات ہن۔ وائس ایڈمرل اویس احمد بلگرامی کمانڈر پاکستان فلیٹ دے چیف اسٹاف آفیسر، چیف آف دی نیول اسٹاف دے پرنسپل سیکرٹری اتے ڈپٹی چیف آف نیول اسٹاف (آپریشنز) دے نال نال وزارت دفاع اچ اہم ذمہ واریاں سرانجام ݙے چکئن ۔ او ایں ویلھے کمانڈر کراچی دے عہدے تے تعینات ہن۔
.jpg)
