اسلام آباد۔8نومبر (اے پی پی) وزیراعظم عمران خان آکھیا جو منافع خوری اتے ذخیرہ اندوزی کہیں صورت برداشت کائنا کیتی ویسی۔ ذخیرہ اندوزاں اتے ناجائز منافع خوراں دے مرتکب لوکاں دے خلاف سخت کاروائی کیتی ویسی، عوام کوں ریلیف ݙیوݨ کیتے صوبائی حکومتاں فیلڈ اچ نظر آون۔ احساس راشن، کامیاب پاکستان، کسان کارڈ، صحت کارڈ اتے احساس پروگرام دی ٻئی سکیماں غریب طبقے کوں ریلیف ݙیوݨ کیتی جاری کیتی ڳئن۔ عوام دے سامھے حقائق اتے اعدادوشمار پیش کیتے ونجن اتے آگاہی مہم چلائی ونڄے۔ اے ڳالھیں انہاں سنوار کوں نرخاں تے کنٹرول بارے اجلاس دی صدارت کریندیں ہوئیں آکھی۔ اجلاس کوں کھنڈ دے سٹاک اتے نرخاں بارے تفصیلی بریفنگ ݙتی ڳئی۔ اجلاس کوں ݙسیا ڳیا جو ایں ویلھے ملک اچ وافر مقدار اچ کھنڈ موجود اے۔ پر سندھ دی شوگر ملاں دی بندش دے فیصلے پاروں نرخ ودھدے پئن۔ اجلاس کوں ݙسیا ڳیا جو سندھ کنڑک بحران اچ وی وفاقی اتے باقی صوبیاں دے فیصلے نال اختلاف کیتا جئیں پاروں ہنگامی صورتحال دا سامھݨا تھیا۔ وزیراعظم اجلاس نال خطاب کریندیں ہوئیں آکھیا جو بین الاقوامی مارکیٹ اچ شہیں دے نرخ ودھدے پئن اتے کیونجو پاکستان درمدی شہیں تے انحصار کریندے ایں کیتے مقامی مارکیٹ تے اثر پوندا پئے جڈانجو حکومت غریب طبقے تے بوجھ ڳھٹ کرݨ کیتے کم کریندی پئی اے۔ وزیراعظم آکھیا جو منافع خوری اتے ذخیرہ اندوزی کہیں صورت برداشت کائنا کیتی ویسی۔ ذخیرہ اندوزاں اتے ناجائز منافع خوراں دے مرتکب لوکاں دے خلاف سخت کاروائی کیتی ویسی، عوام کوں ریلیف ݙیوݨ کیتے صوبائی حکومتاں فیلڈ اچ نظر آون۔ احساس راشن، کامیاب پاکستان، کسان کارڈ، صحت کارڈ اتے احساس پروگرام دی ٻئی سکیماں غریب طبقے کوں ریلیف ݙیوݨ کیتی جاری کیتی ڳئن۔ عوام دے سامھے حقائق اتے اعدادوشمار پیش کیتے ونجن اتے آگاہی مہم چلائی ونڄے۔ اجلاس اچ وفاقی وزرا محمد حماد اظہر، چوہدری فواد حسین، مخدوم خسرو بختیار، سید فخر امام، ڈاکٹر فروغ نسیم، مشیر خزانہ شوکت فیاض ترین، مشیر داخلہ مرزا شہزاد اکبر، معاون خصوصی ڈاکٹر شہباز گل اتے چیرمین ایف بی آر شرکت کیتی جڈانجو ویڈیو لنک توں چیف سیکریٹری پنجاب، بلوچستان اتے خیبر پختونخوا توں سینئرافسر شریک تھیے۔
.jpg)
