اسلام آباد۔30اگست (اے پی پی):پاکستان علماء کونسل دے چیئرمین حافظ محمد طاہر محمود اشرفی آکھیے جو صاحب ثروت لوک سیلاب متاثرین دی امداد کیتے آپݨی زکوۃ، صدقہ و خیرات ویلھے توں پہلے ݙیون ، سارے اسلامی ملکاں توں سیلاب زدگان کیتے امداد آندی پئی اے ، ایں ویلھے غیر معمولی صورتحال اے، پاکستان اچ سرے لوکاں کوں آپݨا آپݨا کردار ادا کرݨا اے ۔ پریس کانفرنس کریندے ہوئیں حافظ طاہر محمود اشرفی آکھیے جو سیلاب دی صورتحال کوں سامݨے رکھیندے ہوئیں صاحب حیثیت اتے مخیر حضرات اپݨی زکوۃ ویلھے توں پہلے ݙیون ، ایندا اللہ تعالیٰ زیادہ اجر ݙیسن، ھک زکوۃ ادا کرݨ دا ݙوجھا انسانیت دی خدمت کرݨ دا ۔ انہاں آکھیے جو نفلی عبادات کیتے سفر دا ارادہ رکھݨ آلے حضرات وی اپݨے سیلاب توں متاثربھراویں کوں یاد رکھن ، عرب ملکاں دے سربراہان جنرل قمر جاوید باجوہ نال رابطے دے بعد امدادی سامان ݙیوݨ شروع کرݙتے آندے چووی توں 48 گھنٹے اچ مزید امدادی سامان دی کھیپ وصول تھیسی ، ایں ویلھے ملک اچ ایمرجنسی دی صورتحال اے، عوام انتظار نہ کرن جیں جاہ تے وی کہیں چیز دی لوڑھ ہووے اتھاں پڄائی ونڄے ، انہاں عوام توں اپیل کیتی اے جو سیلاب توں متاثرہ بھراویں دی امداد کیتے اڳوں آون ، انہاں آکھیے آئی ایم ایف قسط دا اعلان کرݙتے ۔ حافظ طاہر محمود اشرفی آکھیے جو دوست ملکاں دا شکریہ ادا کریندوں انہاں اوکھے ویلھے پاکستان کوں ڈیفالٹ تھیوݨ توں بچا ڳھدے ۔
.jpg)
