لاہور۔24ستمبر(اے پی پی) شیخوپورہ دے علاقہ قلعہ ستار شاہ ریلوے اسٹیشن دے نیڑے اتوار دے ݙینھ مسافر ریل گاݙی میانوالی ایکسپریس ٹریک تے کھڑی مال بردار گاݙی نال ٹکرا ڳئی جیں دے نتیجے اچ 20 بندے زخمی تھی ڳئن ۔ ترجمان ریلوے موجب شیخوپورہ دے علاقے قلعہ ستار شاہ دے نیڑے میانوالی توں لاہور آوݨ آلی میانوالی ایکسپریس دا پٹڑی تے کھڑی مال بردار گاݙی نال تصادم تھی ڳئے جیں دے نتیجے اچ تریمتاں تے ٻالاں سودھے 20 بندے زخمی تھی ڳئن ،حادثے توں مسافر ریل گاݙی دیاں 4 ٻوگھیاں پٹڑی توں لہہ ڳئن ۔ریلوے حکام آکھیے حادثے دی جاہ تے ریسکیو دا کم شروع کرݙتا ڳئے تے واقعے دی تحقیقات وی شروع کرݙتیاں ڳئن جݙاں جو حادثے دے بعد ٹریک سویلے 7:30وڄے کلیئر کرݙتا ڳیا ہئی تے میانوالی ایکسپریس کوں وی منزل کیتے روانہ کرݙتا ڳئے ۔ریسکیو حکام آکھیے زخمیاں کوں طبی امداد کیتے ڈسٹرکٹ ہیڈکوارٹرزہسپتال شیخوپورہ منتقل کر ݙتا ڳئے ۔
.jpg)
