پیرس۔16نومبر(اے پی پی):پاکستان کوں2023 توں 2027 دی مدت سانڳے ھک واری ول یونیسکو دے ایگزیکٹو بورڈ دا رکن منتخب کرڳھدا ڳئے ۔ فرانس اچ یونیسکو اچ پاکستان دے مستقل مندوب بیان اچ ݙسائے جو پاکستان اکثریت اچ ووٹ ڳھدن ۔ بیان اچ پاکستان دی حمایت اتے اعتماد سانڳے رکن ملکاں دا شکریہ ادا کیتا ڳئے ۔ بیان اچ آکھیا ڳئے جو پاکستان سانجھے مقاصد کوں ودھارا ݙیوݨ کیتے سارے رکن ملکاں نال رل تے کم کریندا رہسی ۔ بیان اچ آکھیا ڳئے جو ایگزیکٹو بورڈ اچ خدمات انجام ݙیوݨ دی ذمے واری ݙتی ونڄݨ پاکستان کیتے فخر دی ڳالھ اے ۔
