اسلام آباد۔10دسمبر(اے پی پی)پنجاب کابینہ دا اجلاس وزیر اعلیٰ پنجاب سردار عثمان خان بزدار دی اڳواݨی اچ لاہور اچ تھئے جیندے اچ تھرو سرکولیشن سمری نویں بلدیاتی نظام دے ترمیم شدہ مسودہ قانون دی منظوری ݙتی ڳئی اے۔ پنجاب کابینہ مسلم لیگ ق نال مذاکرات اچ طے تھیوݨ آلے مسودے دی منظوری ݙتی اے جیندے تحت پنجاب اچ بلدیاتی انتخابات جماعتی بنیاداں تے تھیسن۔ اے انتخابات براہ راست تھیسن اتے میٹرو پولٹین دے میئرز اتے ڈسٹرکٹ میئرز کوں براہ راست عوام چݨسن۔ صوبے اچ 11 میٹروپولٹین کارپوریشنز ہوسن۔ 9 ڈویژنل ہیڈکوارٹرز دے علاوہ گجرات اتے سیالکوٹ کوں میٹروپولٹین کارپوریشن دا درجہ ملسی۔ لاہور اچ صرف میٹرپولٹین کارپوریشن ہوسی، باقی ڈویژنل ہیڈ کوارٹرز،سیالکوٹ اتے گجرات اچ میٹرو پولٹین دے نال ڈسٹرکٹ کونسلز دا وی نظام ہوسی۔ سؤبے دے باقی 25 اضلاع اچ صرف ڈسٹرکٹ کونسلز ہوسن۔ دیہی سطح تے ویلیج کونسل اتے شہری علاقیاں اچ نیبر ہڈ کونسل ہوسن۔ شہری علاقیاں توں میونسپل کارہوریشنز، میونسپل کمیٹیز اتے ٹاون کمیٹیاں دا نظام مکا ݙتا ڳعے، ہݨ صرف ڈسٹرکٹ کونسلز دا نظام ہوسی ڄیڑھا سارے دیہی اتے شہری علاقیاں کیتے ہوسی۔
