اسلام آباد۔5جنوری(اے پی پی) وزیراعظم آزاد کشمیر سردار تنویر الیاس خان آکھیے جو 75 سال پہلے اقوام متحدہ کشمیریاں کوں حقِ خودارادیت ݙیواوݨ دا جیڑھا وعدہ کیتا ہئی ایں تے عمل درآمد نی کرایا ونڄ سڳیا ، عالمی ادارے جموں و کشمیر دے عوام کوں غیر جانبدارانہ استصوابِ رائے دے ذریعے حقِ خودارادیت دی ضمانت ݙتی ہئی ۔یوم حق خود ارادیت دے موقع تے آپݨے پیغام اچ وزیراعظم آکھیے ظالمانہ بھارتی تسلط دا جبر سہݨ دے باوجود اہلِ کشمیر حقِ خودارادیت دے حصول دے مطالبے تے ڈٹ تے کھڑن ،اہل پاکستان اتے کشمیری قوم غیر انسانی اتے غیرقانونی تسلط دے جبر توں آزادی دی جدوجہد اچ اہل کشمیر دے نال ہن۔انہاں آکھیے قابض بھارتی افواج دے ہتھوں تریمتاں تے ٻالاں سودھے ہزاراں نشوم کشمیری شہید کیتے ڳئن لیکن کشمیری آزادی توں گھٹ کہیں چیز تے سمجھوتہ کرݨ کیتے تیار کائنی،بھارتی حکومت مسلسل غیر قانونی تے یکطرفہ اقدامات دے ذریعے مقبوضہ جموں وکشمیر اچ خوف اتے کشیدگی دی فضا پیدا کر رکھی اے، اتھاں آزادی دی تحریک کوں کچلݨ کیتے مودی سرکار سارے سیاسی قیادت کوں قید و بند کر رکھیے ۔
