اسلام آباد۔24اپریل(اے پی پی):وزیر خارجہ بلاول بھٹو زرداری آپݨے ایرانی ہم منصب حسین امیر عبداللہ کوں ٹیلی فون کیتے تے عید دی مبارخ ݙتی ۔ دفتر خارجہ توں جاری بیان موجب ایرانی وزیر خارجہ پاکستانی عوام کیتے نیک خواہشات دا اظہار کیتے۔ بلاول بھٹو زرداری وی ایرانی عوام کوں مبارخ ݙتی ۔ اپݨے ایرانی ہم منصب نال ڳالھ مہاڑ کریندے ہوئیں بلاول بھٹو آکھیے ایران اتے سعودی عرب دے درمیان سفارتی تعلقات دی بحالی ھک مثبت پیش رفت اے۔ وزیر خارجہ آکھیے ایران تے سعودی عرب دے درمیان سفارتی تعلقات دی بحالی توں خطے دے ترقی تے استحکام اچ مدد ملسی ۔ پاکستان ݙوہیں ملکاں وچال بہتر تھیوݨ آلے تعلقات دا خیرمقدم کریندے۔
