اسلام آباد۔12جولائی(اے پی پی) چیئرمین سینیٹ سید یوسف رضا گیلانی آکھیے پیشہ وارانہ و متحرک بیورو کریسی ملکی نظم و نسق دی بہتری ،سماجی،اقتصادی اتے ترقی دے اہداف گھنݨ اچ اہم کردار نبھا سڳدی اے۔ ،چنڳی تے موثر گورننس ہی پاکستان کوں غیر معمولی حالات تے چیلنج تے قابو پاوݨ اچ مددگار ثابت تھیسی ۔ سینیٹ سیکرٹریٹ موجب نیشنل انسٹی ٹیوٹ آف مینجمنٹ ، اسلام آباد اچ 35ویں سینئر مینجمنٹ کورس دے شرکاء توں خطاب اچ انہاں آکھیےایں ویلھے بہتر تے موثر گورننس ہی پاکستان کوں غیر معمولی حالات تےسماجی، اقتصادی، انسانی ترقی، صحت، تعلیم، ترقیاتی چیلنج تے قابو پاوݨ اچ اہم ثابت تھیسی ۔ چیئرمین سینیٹ آکھیے انہاں وزیراعظم اتے ہݨ چیئرمین سینیٹ دی حیثیت نال اے ݙٹھے جو دیانتدار افسر بامعنی اتے پائیدار تبدیلی گھن آسڳدن ۔ پائیدار ترقی دے ہدف گھنݨ مؤثر حکمرانی تے منحصر اے۔ انہاں آکھیے گڈ گورننس انھاں اہداف گھنݨ سانڳے اجتماعی کوششاں دے ماحول کوں ودھارا ݙیوݨ اچ مددگار ثابت تھیندی اے۔ انہاں آکھیے ھک منتخب نمائندہ حکومت تےھک متحرک پارلیمنٹ کم کریندی پئی تے تریمتاں کوں گورننس تے پالیسی سازی اچ زیادہ نمائندگی ملدی پئی اے۔ انہاں خوشحال اتے ترقی دے رستے تے ٹردے پاکستان سانڳے کم کرݨ اینکوں مثبت پیش رفت قرار ݙتے۔ چیئرمین سینیٹ امید ظاہر کیتی اے سینئر مینجمنٹ کورس توں او مہارت اتے عزم ملسی جیڑھے ملک کوں انہاں چیلنج نال نبݨݨ اچ چنڳی مدد کریسی ۔ انہاں ایں ڳالھ تے زور ݙتے ملکی، علاقائی تے عالمی سطح تے بدلدی صورتحال ایں ڳالھ دی متقاضی اے ایجھیاں پالیسیاں بݨائیاں ونڄن جیڑھیاں نہ صرف ساݙے قومی مفادات دا تحفظ کرن بلکہ اینکوں ودھاوݨ تے ترقی دے عمل کوں تکھا کرن ۔ انہاں ایں سلسلے اچ افسراں دے کردار کوں اہم قرار ݙتے۔ انہاں تبدیلی کوں اپناوݨ، کم اچ دیانتداری تے کارکردگی دے کلچر کوں پروان چڑھاوݨ تے زور ݙتا۔ انہاں ڈائریکٹر جنرل ڈاکٹر طارق موج تے این آئی ایم دی ٹیم دی تعریف کیتی تے انہاں دے غیر متزلزل عزم تے خراج تحسین پیش کیتا۔ چیئرمین سینیٹ وکھرے پیشہ ورانہ گروپاں توں تعلق رکھݨ آلے افسراں اچ سرٹیفکیٹ وی وںڈیے۔ایندے توں پہلے ڈائریکٹر جنرل ڈاکٹر محمد طارق موج اتے فیکلٹی چیئرمین سینیٹ کوں کورس دے اہم پہلواں دا ݙسایا
