اسلام آباد۔13جون(اے پی پی)صدر مملکت ڈاکٹر عارف علوی نوجوان پاکستانی کوہ پیماواں دی کامیابیاں کوں میڈیا تے اڳونہا کرݨ دی لوڑھ تے زور ݙیندے آکھیے جو ملک دا مثبت تاثر اٻھارݨ کیتے نوجوان پاکستانی کوہ پیماواں دیاں صلاحیتاں ودھایاں ویسن، ایں سانڳے نوجوان کوہ پیما معروف کمپنیاں دی اسپانسر شپ ڳھنݨ کیتے سوشل میڈیا دا استعمال کرن۔ اے ڳالھ انہاں پاکستانی کوہ پیماواں شہروز کاشف، سرباز خان اتے عبدالجوشی نال ایوان صدر اچ ملݨ ویلھے آکھی۔ ایں موقع تے سیکرٹری وزارت بین الصوبائی رابطہ، ڈائریکٹر جنرل پاکستان سپورٹس بورڈ، الپائن کلب آف پاکستان (اے سی پی) دے صدر اتے سیکرٹری اے سی پی شرکت کیتی۔ صدر مملکت پاکستان دے کوہ پیماواں دی کوہ پیمائی دے ٻہوں چیلنجنگ اتے مہم جوئی دے کھیݙ اچ شاندار کامیابیاں دی تعریف کیتی۔
