اسلام آباد۔19جولائی(اے پی پی):وفاقی وزیر تخفیف غربت و سماجی تحفظ اتے چیئرپرسن بینظیر انکم سپورٹ پروگرام شازیہ مری ورلڈ بینک دی ریجنل ہیڈ آف سوشل پروٹیکشن اتے قائم مقام ڈائریکٹر یورپ اتے وسطی ایشیا نکول کلنگن نال ملاقات کیتی۔وفاقی وزیر نکول کلنگن کوں پاکستان اچ بینظیر انکم سپورٹ پروگرام دے سماجی تحفظ دے اقدامات بارے ݙسایا ۔ملاقات اچ نینگراں دی رہنمائی، تربیت اتے مالی امداد ݙے تے ڈیجیٹل معیشت کوں ودھارا ݙیوݨ تے ڳالھ مہاڑ تھئی ۔ شازیہ مری آکھیے نینگراں دی مالی مدد دے ذریعے پاکستان پاورٹی ایلیویشن فنڈ معاشی و سماجی ترقی دے موقع بݨائن ۔ باصلاحیت نینگراں دی مدد کرݨ نال ڈیجیٹل انٹرپرینیورشپ دا ودھارا تھئے ، وفاقی وزیر نکول کلنگن کوں بی آئی ایس پی دی 15 سالہ کارکردگی رپورٹ وی پیش کیتی۔
