اسلام آباد۔21اگست(اے پی پی)نگراں وفاقی وزیرتعلیم و پیشہ وارانہ تربیت مدد علی سندھی آکھیے جو ٻال ساݙے ملک و قوم دا مستقبل ہین جنہاں کوں جدید اتے معیاری تعلیم ݙیوݨ اتے علمی بنیاد پکی کرݨ ساݙی پہلی ذمہ داری ہوݨی چاہیدی اے، اے ڳالھ انہاں دا اسلام آباد اچ ایف سکس 3 اچ سرکاری سکول دا دورہ کرݨ ویلھے آکھی۔ انہاں ٻالاں دی تعلیم تربیت سانڳے اقدامات تے اطمینان کریندے زور ݙتے جو ٻالاں کوں ہم نصابی اتے غیر نصابی سرگرمیاں سانڳے ودھ توجہ ݙتی ونڄے۔ انہاں سکول اچ صفائی ستھرائی، سوہݨپ کیتے انتظامات ٻئے ودھاوݨ دی وی ہدایت کیتی۔ انہاں سکول دے مختلف حصے ݙٹھے، کلاساں دا دورہ کیتا اتے ٻالاں نال ڳھل مل ڳن۔ وفاقی وزیر کوں سکول اچ طلبہ اتے اساتذہ کیتے سہولتاں، تعلیم و تربیت کیتے مروجہ طریقہ کار اتے غیر نصابی سرگرمیاں اتے کارکردگی تے بریفنگ ݙٹی ݙتی۔
