اسلام آباد۔14مارچ (اے پی پی) صدر مملکت ڈاکٹر عارف علوی مختلف مذاہب دے وفود دے تبادلیاں دی لوڑھ تے زور ݙیندیں ہوئیں آکھیا جو پاکستان بدھ مت سودھی عظیم تہذیباں دے قدیم آثار دا مرکز اے، مذہبی سیاحت دے ودھارے دے وسیع امکانات ہن۔ پاکستان اچ آثار قدیمہ جیھے اہم قومی ورثہ دے تحفظ تے ودھارے کیتے اقدامات کیتے ویندے پئن۔ اے ڳالھیں انہاں سنوار کوں اتھاں ”بین الاقوامی کانفرنس تے آرٹ فیسٹیول برائے فروغ سماجی تے بین المذاہب ہم آہنگی:پاکستان اچ بدھ مت دی تاریخ، آثار قدیمہ، فن اتے فن تعمیر“ توں خطاب کریندیں ہوئیں آکھی۔ ایں موقع تے پارلیمانی سیکرٹری برائے قومی ورثہ و ثقافت غزالہ سیفی، قائداعظم یونیورسٹی دے وائس چانسلر پروفیسر محمد علی اتے پرنس میاں گل عدنان وی خطاب کیتا۔ ایں موقع تے پرنس میاں گل عدنان پاکستان اچ بدھ مت دے آثار قدیمہ بارے پریزینٹیشن ݙتی۔ ایں موقع تے صدر مملکت ڈاکٹر عارف علوی دی اہلیہ بیگم ثمینہ علوی، تھائی لینڈ، نیپال، سری لنکا، جاپان، ملائیشیا اتے کوریا دے سفارتکاراں، غیرملکی بدھ بھکشووں دے علاوہ تعلیمی ماہرین، سول سوسائٹی دے نمائندے اتے اہم شخصیات شریک تھئی۔
