اسلام آباد۔6جولائی (اے پی پی):صدر مملکت ڈاکٹر عارف علوی بلوچستان ہائی کورٹ اچ ایڈیشنل ججز دی تعیناتی دی منظوری ݙے ݙتی اے ۔ ایوانِ صدر دے پریس ونگ توں ٻدھ کوں جاری بیان موجب ایڈووکیٹ اقبال احمد کاسی اتے ایڈووکیٹ شوکت علی رخشانی کوں بلوچستان ہائی کورٹ دا ایڈیشنل ججز تعینات کرݙتا ڳئے ۔ صدر مملکت ایڈووکیٹ گل حسن ترین ، محمد عامر نواز رانا تے سردار احمد علیمی دی وی بطور ایڈیشنل جج تعیناتی دی منظوری ݙتی اے ۔ صدر مملکت تعیناتی دی منظوری جوڈیشل کمیشن آف پاکستان دی سفارشات دی روشنی اچ وزیراعظم دی ایڈوائس تے ݙتی اے ۔ صدر ڈاکٹر عارف علوی تعیناتیاں دی منظوری آئین دے آرٹیکل 175 اے دے تحت ݙتی اے ۔
