اسلام آباد۔4نومبر (اے پی پی) وزیرِاعظم محمد شہباز شریف نال اقوامِ متحدہ دے ریذیڈنٹ کوآرڈینیٹر /ہیومینٹیرین کوآرڈینیٹر جولیئن ہارنیئس جمعے کوں ملاقات کیتی۔ وزیراعظم آفس دے میڈیا ونگ توں جاری بیان موجب ملاقات اچ وزیرِ اعظم جولیئن ہارنیئس کوں موسمیاتی تبدیلی پاروں ملک اچ آئےتاریخ دے بدترین چھل اتے اوندے اثرات بارے ݙسیا۔ وزیراعظم حکومت دی ریسکیو اتے ریلیف دی کاروائیاں اتے چھل متاثرین دی بحالی کیتے اقدامات تے وی روشنی پاتی۔ وزیرِ اعظم جولیئن ہارنیئس کوں ݙسیا جو پاکستان جیڑھا جو پہلے توں معاشی اوکھ اچ اے چھل پاروں 40 ارب ڈالر توں ودھ دا نقصان تھیے۔ وزیرِ اعظم سیکرٹری جنرل اقوامِ متحدہ انتونیو گوتریس دا وی شکریہ ادا کیتا جیڑھے نہ صرف چھل متاثرہ علاقیاں دے دورے تے پاکستان آئے بلکہ مصیبت اچ پاکستانیاں دی آواز ٻݨ ڳے۔ جولیئن ہارنیئس پاکستان دے چھل ماتثرین نال ہمدردی کریندیں ہوئین انہاں دی بحالی اچ اقوام متحدہ ولوں حمایت دا اعادہ کیتا۔
