اسلام آباد۔4مئی (اے پی پی):وزیراعظم محمد شہباز شریف شمالی وزیرستان اچ شہادت پاوݨ آلے پاک فوج دے جواناں کوں خراج عقیدت پیش کریندے ہوئیں آکھیے پوری قوم سکیورٹی فورسز دے رلے کھڑی اے تے شہداء کوں سلام پیش کریندی ا ۔ اپݨے ٹویٹ اچ وزیراعظم دردونی ضلع شمالی وزیرستان اچ دہشت گرداں دا مقابلہ کریندے ہوئیں شہید تھیوݨ آلے پاک فوج دے جواناں حوالدار سلیم خان، نائیک جاوید اقبال، سپاہی نذیر خان ، سپاہی حضرت بلال ،سپاہی سید رجب حسین اتے سپاہی بسم اللہ جان کوں خراج عقیدت پیش کیتے، شہداء دے اچے درجات کیتے دعا منگی ڳئی تے لواحقین نال اظہار تعزیت کیتے۔ وزیراعظم آکھیے پاکستان دی مسلح افواج دہشت گردی دے رستے اچ آہنی دیوار اے ،پوری قوم سیکورٹی فورسز دے رلے کھڑی اے تے شہداء کوں سلام پیش کریندی اے ۔
