اسلام آباد۔13اگست (اے پی پی):اسپیکر قومی اسمبلی راجہ پرویز اشرف پاکستان دے 76 یوم ازادی دے موقع تے پوری پاکستانی قوم تے ٻاہرلے ملک رہݨ آلے پاکستانیاں کوں جن آزادی دی مبارکباد ݙیندے ہوئیں آکھیے بلا شبہ آزادی ھک ٻہوں وݙی نعمت اے تے اللہ تعالیٰ دا خاص شکر اے جو اوں اساکوں ایں عظیم نعمت کبریٰ نال نوازیے،قیام پاکستان دا مقصد اسلامی اقدار اتے روایات دے پیش نظر ایجھا جمہوری نظام قائم کرݨا ہئی جتھاں انصاف برابری تے حقوق دا تحفظ ممکن ہووے اتھاں جاری پیغام اچ انہاں آکھیے بابائے قوم قائد اعظم محمد علی جناح، مفکر پاکستان علامہ اقبال تے اپݨے آباؤ اجداد کوں بھرپور خراج تحسین پیش کرینداں جنہاں دی ودھ ساری محنت تے قربابنیاں دی بدولت اساکوں اے عظیم ملک ملیے ۔ انہاں آکھیے اساں ساریں کوں اللہ تعالیٰ دی طرفوں عطا کیتی ڳئی عظیم نعمت کبریٰ دی قدر کرݨی چاہیدی اے ۔
