اسلام آباد۔24جنوری (اے پی پی) صدر مملکت ڈاکٹر عارف علوی شہداء دی وطن کیتے قربانی اتے جذبہ حب الوطنی دی تعریف کریندیں ہوئیں انہاں کوں شاندار الفاظ اچ خراج عقیدت پیش کیتا۔ منگل کوں ایوان صدر دے پریس ونگ توں جاری بیان موجب صدر مملکت پنجگور حملے دے شہداء دے ورثاء نال ٹیلی فون تے رابطہ کر تے انہاں نال تعزیت کیتی۔ صدر ڈاکٹر عارف علوی لانس نائیک محمد یونس خان اتے لانس نائیک فرید اللہ خان دے لواحقین نال ڳالھ کیتی۔ انہاں لانس نائک عبدالرزاق اتے سپاہی اسد علی دے ورثاء نال وی فون تے تعزیت کیتی۔ صدر مملکت شہداء کوں دی خدمات تے خراج عقیدت پیش کیتا اتے شہیداں دی وطن کیتے قربانی اتے جذبہ حب ال وطنی دی تعریف کیتی۔ صدرمملکت شہیداں دے ٹٻر نال ہمدردی کیتی اتے انہاں دے صبر کیتے دعا کیتی۔
