بیجنگ۔6جون (اے پی پی):نائب وزیراعظم اتے وزیر خارجہ سینیٹر محمد اسحاق ڈار آکھیے جو پاکستان چین دا قابل اعتماد دوست اتے شراکت دار اے، چین اتے پاکستان دی آہنی یاری تے شراکت داری سٹریٹجک سطح تئیں ودھ چکی اے ، شینزن اچ پاک چین بزنس فورم دے انعقاد نال حکومت ݙوطرفہ تعاون دا ھک نیا باب رقم کیتے، آوݨ آلے مہینے اچ چینی کمپنیاں کوں پاکستان سݙیا ویسی ۔ نائب وزیراعظم اے ڳالھ ا چوتھے پاک چین دوستی اتے کاروباری تقریب توں خطاب اچ آکھی اے انہاں آکھیے بزنس فورم دا مقصد ٹھوس، اہداف تے مبنی اتے نتیجہ خیز اقتصادی تعاون کوں ودھارا ݙیوݨا اے جیں اچ چینی سرمایہ کاری کوں پاکستان اچ 13 برآمدی شعبیں دے پاسے راغب کرݨ تے انہاں کوں سہولتاں ݙیوݨ اے ۔ انہاں آکھیے چین اچ پاکستان دے سفیر خلیل ہاشمی اتے انہاں دی ٹیم 400 توں ودھ چینی تاجراں اتے کاروباری لوکاں کوں کامیابی نال متحریک کیتے جنہاں تقریباً 120 پاکستانی ہم منصباں کوں اکٹھا کیتے جیں دی مثال نی ملدی اساں کامیابی دی شراکت اتے مشترکہ تعاون دا ھک نواں سفر شروع کیے ۔ نائب وزیراعظم آکھیے آوݨ آلے مہینے اچ اساں ایں ماڈل کوں مزید اڳوں ودھیسوں تے چینی کمپنیاں کوں پاکستان اچ سݙیسوں ۔ انہاں دوستی اتے کاروباری تقریب کوں ھک قابل قدر روایت اتے دوستی اتے سانجھے احترام دا جوہر قرارݙیندے ہوئیں آکھیے جو گزریل سالاں دے دوران ایں پلیٹ فارم ݙوہیں ملکاں دے رہنماواں، پالیسی سازاں، کاروباری ایگزیکٹوز اتے کاروباری لوکاں کوں کٹھا کرݨ اچ اہم کردار ادا کیتے۔
