سیالکوٹ۔8 نومبر(اے پی پی )بلدیاتی انتخابات پورے تھیونڑ دے چھیکڑی مرحلے وچ ہن ،ایں سلسلے پاکستان مسلم لیگ (ن) ضلع کونسل سیالکوٹ دے کسان ، یوتھ اتے اقلیتی ممبر اں سانگے اپنڑے امیدواراں کوں ٹکٹ جاری کرڈتے ہن،پارٹی دے فیصلے تے100فیصد عملدرآمد نال ای پارٹی مضبوط تھیسی ۔ انہاں خیالیں دا اظہار وفاقی وزیر دفاع ، پانڑیں تے بجلی خواجہ محمد آصف وزیر آباد روڈ تے ہک نجی ہوٹل وچ تحصیل سیالکوٹ دے منتخب یوسی چیئرمیناں دے اعزاز وچ منعقدہ تقریب نال خطاب کریندے ہوئیں کیتا۔ انہاں آکھیا جو اج انہاں دا جو وی مقام ہے اوہ پارٹی دے نال بے لوث وفاداری اتے فیصلیں د ے احترام دا نتیجہ ہے، میکوں یقین ہے جو مسلم لیگ ن دے عہدیداراں اتے ورکراں پارٹی امیداواراں دی بھرپور حمایت کریسن اتے انہاںکوں وڈی اکثریت نال کامیاب کرویسن۔ قومی تے صوبائی اسمبلی دے ارکاناں ارمغان سبحانی، طارق سبحانی، رانا اقبال ہرناہ، رانا عبدالستار خاں، چودھری محمد اکرام، منشاء اللہ بٹ ، چودھری ارشد وڑائچ، رانا لیاقت ، محسن اشرف، رانا محمد افضل، سابق ایم پی اے چودھری محمد اخلاق، یحییٰ گلنواز اتے نوید اشرف دے علاوہ امیداوار کسان سیٹ ضلع کونسل تحصیل سیالکوٹ ظفر گوندل، ا میدوار یوتھ رانا دانیال محمود خاں اتے اقلیتی امیداور ڈاکٹر بینجمن وی تقریب وچ شرکت کیتی ۔
