اسلام آباد ۔ 12مارچ (اے پی پی) چیف الیکشن کمشنر سکندر سلطان راجہ آکھیے جو الیکشن کمیشن انتخابی عمل اچ تریمتاں دی نمائندگی ودھاونڑ کیتے پرعزم اے ۔ملک اچ تریمتاں دے سماجی، سیاسی و انتخابی حقوق کیتے جدوجہد قابل تحسین اے ۔ او خمیس کوں اتھاں الیکشن کمیشن آف پاکستان اچ تریمتاں دے عالمی ڈینھ دی مناسبت نال تقریب توں خطاب کریندے پئے ہن ۔ تقریب اچ الیکشن کمیشن دے ممبران، سول سوسائٹی آرگنائزیشن دے نمائندیں اتے ترقیاتی شراکت داراں شرکت کیتی ۔ تقریب اچ پرے توں آئیاں تریمتاں جنہاں کوں الیکشن کمیشن دی شناختی کارڈ ووٹر اندراج مہم دے دوران ڈے گئے ہن انہاں وی اپنڑے تاثرات دا اظہار کیتا ۔ چیف الیکشن کمشنر تریمتاں کوں شناختی کارڈ دے اجراءاتے الیکشن کمیشن دی ووٹر اندراج مہم دے دوران معاونت تے نیشنل ڈیٹا بیس و رجسٹریشن اتھارٹی (نادرا) ،ترقیاتی شراکت داراں، سول سوسائٹی دیاں تنظیماں تے میڈیا داشکریہ ادا کیتا۔
