کراچی۔26فروری(اے پی پی)پاکستان پیپلز پارٹی دے چیئرمین و وزیر خارجہ بلاول بھٹو زرداری بلوچستان دے علاقے بارکھان اچ دھماکے دی مذمت کریندے آکھیے جو بارکھان دھماکہ قابل مذمت، معصوم شہریاں کوں نشانہ ٻݨاوݨ آلیاں کوں لکݨ دی کتھائیں ڄاہ نا ملسی۔ اپݨی پرچاوݨی اچ انہاں سوگوار ٹٻراں نال ہمدردی کیتی اتے شہیداں دے ایصال ثواب دی دعا کیتی۔ انہاں آکھیا جو پاکستان معصوم شہریاں کوں ظلم دا نشانہ ٻݨاوݨ آلیاں دیاں پاڑاں پٹݨ کیتے پرعزم اے، دہشتگرد انسانی ویس اچ سفاک زناور ہین۔
