اسلام آباد۔19جون (اے پی پی) پاکستان تے امریکہ وچال خوشگوار شراکت داری دی 75 ویں سالگرہ تے اسلام آباد اچ “انفراسٹرکچر دے شعبے وچ شراکت داری تے تعاون” اجاگر کرݨ کیتے کانفرنس دا انعقاد کیتا ڳئے جیں وچ امریکی ادارہ بین الاقوامی ترقی دے شرکا یو ایس ایڈ دی طرفوں پاکستان اچ انفراسٹرکچر دے حوالے نال کیتے ڳئے اقدامات تے بریفینگ ݙتی ۔یو ایس ایڈ پاکستان کوں انفرااسٹرکچردے شعبے اچ بھرپور تعاون ݙٰیندا پئے جیں توں ملک اچ معاشی استحکام ہموار تھیوݨ ، سماج کوں ترقی دے رستے ٹورݨ تے تعلیمی و طبی سہولتاں کوں ودھارا ملݨ اچ مدد ملدی پئی اے ، ایں موقع تے ڈائریکٹر آفس انفرااسٹرکچر فلپ ایسیلین آکھیے پاکستان تے امریکہ وچال عمدہ تعلقات 75 سال پہلے شروع تھئے ہر لنگھدے ݙٰینھ نال مزید تکڑے تھئن جیں پاروں پاکستانی عوام کوں انفرااسٹرکچر تے ڈویلپمنٹ سودھے زندگی دےمختلف شعبیں اچ رہنمائی تے تعاون ملیے ، سال 2005ء دا تباہ کن زلزلہ ہووے یا 2010 دا سیلاب، امریکی حکومت تے عوام ہر اوکھے ویلھے پاکستان دے رلے کھڑے رہ ڳئن ، فلپ اسیلین تعلیم دے شعبے اچ امریکی حکومت دے تعاون تے ڳالھ کریندے ہوئیں آکھیے 2012 توں پاکستان اچ 23 یونیورسٹیاں تے 450 توں ودھ سکول بݨائے ڳئن ۔
