اسلام آباد۔8ستمبر (اے پی پی) نیشنل فلڈ ریسپانس کوآرڈینیشن سینٹر(این ایف آر سی سی) دااجلاس خمیس کوں ڈپٹی چیئرمین و وفاقی وزیرمنصوبہ بندی، ترقی و اصلاحات احسن اقبال اتے نیشنل کوآرڈینیٹر این ایف آر سی سی میجر جنرل محمد ظفر اقبال دی صدارت اچ منعقد تھیا ۔ فورم کوں وزیر مواصلات و ریلوے دی طرفوں انفراسٹرکچر تے ریلوے دی بحالی دے منصوبے بارے ݙسایا ڳیا ۔حکام فورم کوں موسم اتے سیلاب دی تازہ ترین صورتحال دا ݙسایا ۔ وزیر خزانہ عبوری ضیان دے تخمینے دا وی ݙسایا ۔ فورم کوں سی ای او ڈریپ سندھ تے بلوچستان دے سیلاب توں متاثرہ علاقیں اچ جمع تھیوݨ آلے پاݨی توں تھیوݨ آلیاں بیماریاں تے قابو پاوݨ تے پاݨی صاف کرݨ دی طریقہ کار بارے ݙسایا ۔ وفاقی وزیراحسن اقبال ساریاں وفاقی اکائیاں تے سول انتظامیہ توں درخواست کیتی جو او امدادی سرگرمیاں کوں تکھا کریندے ہوئیں بحالی تے توجہ ݙیون تاں جو سیلاب توں متاثرہ لوکاں دی معمول دی زندگی یقینی بݨائی ونڄ سڳے۔
