اسلام آباد۔13اکتوبر(اے پی پی) وزیراعظم شہبازشریف دی ہدایت تے اسلامیہ یونیورسٹی بہاولپوربلوچستان تے سابق فاٹا دے طالبیں کیتے تعلیمی خرچے ختم کرݙتن ۔ وزیراعظم آفس دے میڈیاونگ توں جاری بیان موجب اے وزیراعظم شہبازشریف دا بلوچستان تے سابق فاٹا دے طالب علماں کیتے وݙا تحفہ اے۔ وزیراعظم اے اقدام بلوچستان تے سابق فاٹادے طالب علماں دی اعلی تعلیم دی حوصلہ افزائی کیتے چاتے ۔ اقدام دا مقصد قومی اتحاد، اخوت اتے بھرپی دی فضا کوں ودھاوݨ اے ۔ اسلامیہ یونیورسٹی بہاولپور اچ بلوچستان تے سابق فاٹا دے طالب علم مفت تعلیم گھن سڳسن۔ بلوچستان تے سابق فاٹا دے طالب علماں کیتے تعلیمی پیکج متعلق باضابطہ نوٹیفیکیشن جاری کرݙتے ۔ طالب علماں دے پنجاہ فیصد تعلیمی خرچے وفاقی حکومت ݙیسی ۔ طالب علماں دی پنجاہ فیصد فیس اسلامیہ یونیورسٹی بہاولپور ݙیسی ۔وزیراعظم دی ہدایات تے یونیورسٹی توں کڈھیے ڳئے طالب علم وی بحال کرݙتے ڳن ۔ متعلقہ طالب علماں کوں یونیورسٹی دی طرفوں جاری نوٹس واپس تھی ڳن ۔وزیراعظم شہبازشریف ایہو سویاں سہولتاں وزیراعلی پنجاب دے طورتے آپݨے طالب علماں کوں ݙتیاں ہن ۔
