سلام آباد۔21جنوری (اے پی پی) محکمہ موسمیات موجب آندے چووی گھنٹے خیبر پختونخواہ، اتلے پنجاب، کشمیراتے گلگت بلتستان اچ کھمݨ دے نال مینھ وسݨ تے پہاڑاں تے برفباری متوقع ہے ، ملک دے ٻہوں سارے میدانی علاقیں اچ موسم ٹھڈا تے رکھا رہسی ۔ رپورٹ موجب گزریل 24 گھنٹے اچ اتلے خیبر پختونخوا، کشمیر، گلگت بلتستان، اسلام آباد اتے پنجاب اچ کہیں کہیں جاہ تے مینھ وٹھا تے پہاڑاں تے برف پئی جݙاں جو ملک دے ٻئے علاقیں اچ موسم ٹھڈا رہیا ۔ ایں دوران ساریں توں ودھ مینھ راولاکوٹ 7، مظفر آباد 6، گڑہی دوپٹہ 2، سیدو شریف 4، دیر 3، کالام ھک، مری 4، اٹک 3، اسلام آباد 2، فیصل آباد، خانیوال، اوکاڑہ اتے ٹوبہ ٹیک سنگھ اچ وی ھک ملی میٹر مینھ وُٹھا ۔
