اسلام آباد۔29جولائی (اے پی پی):چیئرمین سینیٹ محمد صادق سنجرانی نال قائم مقام اسپیکر قومی اسمبلی محمد قاسم خان سوری اتے گورنر بلوچستان سید ظہور آغا پارلیمنٹ ہاؤس اچ ملاقات کیتی۔ سینیٹ سیکرٹریٹ موجب ملاقات اچ صوبہ بلوچستان متعلق مختلف امور تے ڳال مہاڑ کیتی ڳئی ۔ ملاقات اچ عوامی فلاح و بہبود تے توجہ کرݨ تے صوبے دا مثبت تشخص اجاگر کرݨ کیتے عملی اقدامات چاوݨ تے اتفاق کیتا ڳئے ۔ملکی سیاسی صورتحال، بلوچستان اچ جاری ترقیاتی منصوبے وی ڳال مہاڑ دا حصہ ہن ،چیئرمین سینیٹ صادق سنجرانی آکھیے جو سی پیک منصوبیں تے گوادر بندرگاہ توں صوبے دی قسمت بدلسی ، ترقیاتی منصوبیں توں بلوچستان دے نینگراں کوں روزگار ملسی ۔ گورنر بلوچستان چیئرمین سینیٹ کوں صوبے اچ کورونا وائرس دی صورتحال بارے ݙسایا ۔چیئرمین سینیٹ آکھیے جو بلوچستان اچ کورونا دی صورتحال سنگین تھیندی پئی اے چیئرمین سینیٹ کورونا وبا روکݨ کیتے موثر اقدامات کرݨ تے وبا دے خلاف عوام کیتے آگاہی مہم چلاوݨ تے زور ݙتے ۔
